×

منوی بالا

منوی اصلی

دسترسی سریع

اخبار سایت

true

ویژه های خبری

true
    امروز  چهارشنبه - ۴ اردیبهشت - ۱۳۹۸  
it is true
true
true
شعر ترکی؛ آنا شأنینده

به گزارش پایگاه خبری مهرصبا، سید بشیر حسینی میانجی به مناسبت شهادت حضرت فاطمه زهراء(س) شعری با عنوان آنا شأنینده سروده است.

آنا شأنینده
و گریز به حضرت زهرا (س)

سفارش ایلیوب آلله، بیزه آتا _ آنانی
روا دگول بالا گوزدن بیر آن آتا، آنانی
قولاق وئر ای گوزلیم! بو گوزل روایته بیر
بو نوعی وصف ائلیوب ختم الانبیا آنانی
آنا ایاقی‌نین آلتیندادی بهشت برین
بو سرّه، یاخشی تانیر جنّت العُلی آنانی
آنا مقامینه حیران قالوب عقول فهول
ائدوبدی رتبه‌لی خلاّق کبریا آنانی
آنادی شیره‌ی جانین امیشدیروب بالییا
گرَک چوخ ایستیه جان مثلی هر بالا آنانی
او گوزلری یادا سال یاتمیوب سنه خاطر
ائدوبدی آغلاماقون درده مبتلا آنانی
او ال‌لری یادا سال ساخلیوب سنی گول‌تک
الونده ساخلا آماندی او باوفا آنانی
آنانین ادینه ال ویرما دستمازسیز سن
مقدّس ایلیوب آلله، بر ملا آنانی
اماندی قلبینی سیندیرما ائتمه دردین چوخ
محبّتیله ائله دردیوه دوا آنانی
آنا رضایتی آلله رضایتی ساییلوب
صداقتیله اوزوندن ائله رضا آنانی
ائوین صفاسی آنانین صفالی باخماقی‌دی
یاراتدی حقّ اوزی اوّلده با صفا آنانی
آنا گونونده فقط یوخ، همیشه یاد ایله
آدیله با ادب اُول ایلمه صدا آنانی
سنون یولوندا قویوبدور جوانلیق ایّامین
یورانمادی نقدَر گلدی ابتلا، آنانی
بیر عدّه‌یه گوره آتما آنانی آغلاتما
قوجا چاغیندا چوخ اینجیتمه یورما، ها، آنانی
علی محبّتی قلبونده اولسا شکر ایله
به قول ختم رُسُل: چوخ ائله دعا آنانی
یواش یواش قلم ایستور چکه گریزه سوزی
اگر ئولوبدی، بو دم سالگیلان یادا آنانی
گوزومده اولدی مجسّم جوان ئولن بیر آنا
گلون بیر اوخشویاقون سینه‌سی یارا آنانی
وداع ائدنده کفن ایچره نعش زهرادن
بئله مخاطب ائدوب شاه کربلا آنانی:
*
دئدی آنا! ائلمه مبتلا فراقه منی
قاباقکی‌لار کیمی دور آلگیلان قوجاقه منی
منی گورنده گلوب شوقه دیلدن آغلاردون
محبّتیله آچوب قولاّرون قوجاقلاردون
سنون محبّتیوی اِنس و جانه بولدورّم
اگر قوجاقلاماسون من اوزیمی ئولدورّم
گلاب اشکیمی یوخ چاره نعشون اوسته سپم
ایاق طرفده اوتوردوم ایاقلاروندان ئوپم
چون الّی ایل صورا کرب‌وبلایه گلمه‌لی‌سن
شکسته نی‌کیمی اوردا نوایه گلمه‌لی‌سن
حسینووم قانا دوندی گوزومده گوزیاشیم
اَلیوی چک باشیا ال به ال گزر باشیم
علی دییر: قسم اولسون خدایه، گوردوم من
گلوب تحرّکه زهرا آچیلدی بند کفن
آلوب قوجاقه حسینی، جهانی آغلاتدی
آنا – بالا او زمان اِنس و جانی آغلاتدی
حسنده آغلادی، زینبده، امّ کلثومدا
او دمده گوش دیله ناگهان گلوب بو ندا
آنائیله – بالالار ایله‌کی قوجاقلاشدی
تزلزل ایلدی عرش و ملک‌لر آغلاشدی
آییر بالالاری قویما جهانی داغلیالار
روا دگول بو قدَر یانه یانه آغلیالار
*
الهی! سن گونی ماه منیره چوخ گورمه
آتا – آناسینی سیّدبشیره چوخ گورمه

true
برچسب ها :

این مطلب بدون برچسب می باشد.

true
false
true

شما هم می توانید دیدگاه خود را ثبت کنید

√ کامل کردن گزینه های ستاره دار (*) الزامی است
√ آدرس پست الکترونیکی شما محفوظ بوده و نمایش داده نخواهد شد


false
طراحی سایت