true
به گزارش پایگاه خبری مهرصبا مرجع اخبار شهرستان میانه، سید بشیر حسینی میانجی غزلی با عنوان محتکر، کرونادن خطرلیدیر سروده است.
ای دل! اوزوندن اهل چاخانی اوزاق ائله
شیطان و شرّ و خَبط و خطانی اوزاق ائله
هر نه مجازی اولسا اوتور دوت حقیقتی
دیلدن آماندی غیر خدانی اوزاق ائله
واتساپ و تلگرام و اینستایه گیرمه چوخ
ایله دِلِت فلان و فلانی اوزاق ائله
بیر آن اونوتما اصلیوی، فرهنگ نابیوی
فرهنگ ملّت اروپانی اوزاق ائله
دوز اُول همیشه دوز یولا گئت دوز دانیشگیلان
سعی ائت دانیشماقوندا یالانی اوزاق ائله
پیس یولداشیلا دور اُوتور ائتمه آماندی، ها!
دور و بروندن اهل دَغانی اوزاق ائله
جمع ائت اوزونده عشق و علوم و تواضُعی
حِقد و غرور و عُجب و ریانی اوزاق ائله
آسیب سیبه مایل اولار، ویروس انسانا
آفات و ابتلانی هر آنی اوزاق ائله
چوخ قویما اِسترس تاپا یول قلبیوه سنون
هر نه فشاردا ساخلاسا جانی اوزاق ائله
یارب! گلوبدی کشور ایرانه بیر مرَض
“کُن” قدرتونله سن کُرونانی اوزاق ائله
البته مُحتکر، کُرونادن خطرلیدیر
هر کیم وُرور بو خلقه زیانی اوزاق ائله
بیر عدّه آز وئرور چوخ آلیر پول بیر عدّهدن
بیزدن الهی! اهل رِبانی اوزاق ائله
صدقیله جدّیوین اتگیندن یاپیش “بشیر”
صدقیله “یاحسین” دِی، بلانی اوزاق ائله
۹۸/۱۲/۱۲
روستای طَوَق
سیّد بشیر حسینی میانجی
true
true
false
true
