true
به گزارش پایگاه خبری مهرصبا مرجع اخبار شهرستان میانه، سید بشیر حسینی میانجی در مدح قرآن به مناسبت ماه مبارک رمضان و ماه نزول قرآن کریم شعری سروده است.
کتاب خالق سبحاندى قرآن
سعادتبخش هرانساندى قرآن
بو قرآندور رسول اللّهه اعجاز
بو قرآندور که همتاسى تاپولماز
بو قرآن ایچره تحریفه یول اولماز
بو باغین گوللرى هرگز پوزولماز
نه که اسرار بى پایاندى قرآن
مسلمانلار! ائدون قرآن تلاوت
اولاندا محشر و روز قیامت
مبادا ایلیه بیزدن شکایت
ولى بیر جور ائدون ائتسین شفاعت
بلا شکّ و بلا نقصاندى قرآن
بو قرآنین آدیندان، ذکر و تنزیل
زبور و مصحف و تورات و انجیل
ائدوبلر دوردیده قرآنى تجلیل
اولوب قرآندا هر اهداف تکمیل
هامى مکتوبلارا سلطاندى قرآن
اوخى دقتله قرآنِ مبینى
چوخالدار گون به گون دیلده یقینى
اوزى وصف ایلیوبدور مؤمنینى
هدایت ایلیر هر متقینى
قرانلوقدا مه تاباندى قرآن
بو قرآندان عزیزم اولما غافل
رسول اللّهه، اللَّه ائتدى نازل
امین وحى اولوب آیاته حامل
على مکتوب ائدوب تنزیلى کامل
حقیلن، باطله فرقاندى قرآن
وئریم مژده بو دم اهل ولایه
باشینى قووزاسین شیعه سمایه
علینون بارهسینده اوچیوز آیه
گلوب بو مصحف ایچره مصطفایه
که مدّاح شه مرداندى قرآن
قوتولماز خالق یکتا عطاسى
اونا محتاجیدور چون ماسواسى
مریضون اولسا قرآندور شفاسى
که واردور بوندا هر دردین دواسى
دواسیز دردهلره درماندى قرآن
حسین بن على قرآنِ ناطق
ز بس اولموش کتاب اللّهه عاشق
آلوب مهلت عدودن شخص لایق
تلاوت ائتدى تا صبح اولدى بارق
که یعنى عشقنه برهاندى قرآن
شهید اولدى حسین کرب و بلاده
بو سوز مشهور اولوب ارض و سماده
گئدنده عترتى شامه پیاده
گوروبلر باشلادى قرآن جداده
حسینه مونس و جاناندى قرآن
اوزى توصیف ائدوب قرآنى خالق
یازانماز وصفینى جمله خلایق
نقدرى اولسالار وصّاف لایق
بشیرا بو کتابدا وار حقایق
اوخى قرآن دئنن قرآندى قرآن
سعادتبخش هر انساندى قرآن
از کتاب زخم دل
سید بشیر حسینی میانجی
true
true
false
true
