true
به گزارش پایگاه خبری مهرصبا مرجع اخبار شهرستان میانه، سید بشیر حسینی میانجی به مناسبت فرا رسیدن سالروز میلاد امام محمدباقر علیه السلام شعر سروده است.
گلون مدینیه ساری سفر ائدک بو گئجه
عطیرلی کوچهلریندن گذر ائدک بو گئجه
یاغیش یاغیب یوولوب قالمیوبدی توز تورپاق
هوا صفالیدی دقت اگر ائدک بو گئجه
ولایتین بولاغیندان ایچَک ادب سُوونی
ارادتین آغاجین پر ثمر ائدک بو گئجه
سپولّه گول یئره گؤیدن گؤی اهلی شادلیق ائدور
گوزلدی شادلیقیلان بیز سحر ائدک بو گئجه
گلوب محمدِ باقر جهان جنانه دونوب
بو امریدن هامینی باخبر ائدک بو گئجه
آناسی فاطمهدی دختر امام حسن
قدملرینه نثارِ گهر ائدک بو گئجه
آتاسی زین العباده دییَک گؤزون آیدین
بو یاخشی وقتی مبادا هدر ائدک بو گئجه
حسن حسین نوهسی گؤز آچوبدی دنیایه
بو شادلیقی یئری وار ضربدر ائدک بو گئجه
بهشتی گؤرماقی بیز نیلیروق بو یارین اگر
گوزل جمالینه بیر یول نظر ائدک بو گئجه
بو بزم جشنیده یاندیرماقا اؤزرّیگی بیز
اوجاقی پوفلویاراق شعلهور ائدک بو گئجه
«وَ انْ یَکاد» اوخوسون «حاجی»، «شیخ» شوقیلن
بو نوعی بدنظری کور و کر ائدک بو گئجه
پیمبرین یئتیروبدی سلامینی جابر
بونا سلام گرَک سر به سر ائدک بو گئجه
سسون خوش اولسا «بشیر»ین اوخی گؤزل غزلین
هَزاره چوخدی، سؤزی مختصر ائدک بو گئجه
ظهور حضرت مهدینی ایسته بایراملیق
مس خیالیمیزی مثل زر ائدک بو گئجه
true
true
false
true
