اخبار میانه| مهرصبا

به گزارش پایگاه خبری مهرصبا مرجع اخبار شهرستان میانه،“زعفرآزادمهر”شاعر میانه ای شعری با عنوان انقلاب و حجاب سروده است:

انقلاب ایلدی اسلامه گوره ملّتیمیز

یخدی طاغوتین ائوین همتیلن قدرتیمیز

وحدت ملّتیله اوج ائلدی عزّتیمیز

عالمه حکم ائلسک واردی صلاحیّتیمیز

🌷🌷

انقلاب ایلدوک اشخاصه بصیرت وئریله

سینا طاغوتین الی خوار اولا ذلّت وئریله

نشر اسلام اولونا خلقه شریعت وئریله

او شریعتله بیزیم پاک قالا فطرتیمیز

🌷🌷

انقلاب ایلدوک اخراج اولونا اجنبی لر

گلمیه شیعه لرین ساغ صولونا اجنبی لر

چکمیه ملّتی شیطان یولونا اجنبی لر

لکّه دار اولمویا تا دامن حیثیتیمیز

🌷🌷

انقلاب ایلدوک ایمان و عقیده اولا صاف

درس قرآن وئریله باطل اولا لاف گزاف

او شریعتده ائدک حفظ حجابیله عفاف

تیره تار اولمویا تا آینه ی عفّتیمیز

🌷🌷

انقلاب ایلمیشوک بیز یتیشک تا هدفه

توکدیلر قانیمیزی چاتموشوخ امّا شرفه

اوجالوب دین علمی ایندی اسور هر طرفه

دیوروک اهل جهان،وار علوی شهرتیمیز

🌷🌷

انقلاب ایلدوک اسلام بیزه مکتب اولا

سیره ی آل علی جلوه گر مذهب اولا

قشر نسوانه حجاب آینه سی زینب اولا

ره عصمتده اولا حجب و حیا زینتیمیز

🌷🌷

بیز شهیدانه حجاب اولماسا مدیون اولاریخ

قان وئروبلربوحجاب اوسته بولوت تک دولاریخ

قسم الّلهه بو گلشنده کی خاری یولاریخ

چون بو اشخاصیله یوخ رابطه و الفتیمیز

🌷🌷

کیمده ایرانداحجاب اولماسا طغیان ائلیور

زینب و فاطمه نی قلبی پریشان ائلیور

یعنی بی حرمتی خون شهیدان ائلیور

بئله طغیانگره وار دلده بیزیم نفرتیمیز

🌷🌷

بی حجابی بله ایراندا خیانتدی بیلون

بی حجابی سند نشر عداوتدی بیلون

بیزه خفّت،ولی بیگانیه خدمتدی بیلون

سازگار اولمیوب اولماز بو ایشه غیرتیمیز

🌷🌷

دقت ایله بو سوزه پیر جماران سوزیدی

دیوب عریانلیق اگر عین تمدّن ئوزیدی

اوندا هامّو متمدّنلرین حیوان،گوزیدی

کیمده وار دور بو تمدّن وار اونا لعنتیمیز

🌷🌷

باجی بو حفظ حجاب امر شریعتدی سنه

درک ائله قیمتیوی ارزش و زینتدی سنه

بی حجابی در رسوایی و ذلتدی سنه

بو نصیحتدن آییل اولمیا تا خفّتیمز

🌷🌷

بیر وصیّتدی شهیددن بئله عنوان ائلیور

قره چادردی باجی خصمی پریشان ائلیور

بوآخان قیرمیزی قاندان چوخ هراسان ائلیور

نقدر وار بو سلاحون اولاجاخ نصرتیمیز

🌷🌷

حفظ ائله عفّتی چون امر کتابوندی باجی

هدف دشمن اسلام حجابوندی باجی

اونی مایوس ائلمک اجر و ثوابوندی باجی

قان وئریم منده باجی ریشه تاپا عصمتیمیز

🌷🌷

قویما قانیم باتا حفظ هدف و مکتب ائله

اوزیوی پیرو کانون حیا زینب ائله

یا حسین ناله سینی حافظ چادر شب ایله

خصمی رسوا ائلیک کامل اولا نهصتیمیز

🌷🌷

بئله موقع ده گرکدور وئره ملّت ال اله

اتّحادیله گله ملّتیین اهدافی اله

بلکه بو مملکتین صاحب اصلیسی گله

دگول انصاف نفاقه دولانا وحدتیمیز

🌷🌷

ملت و دولته لازمدی که یکرنگ اولالار

اختلاف اولمیا وحدتده هماهنگ اولالار

بلکه دشمن لریمیز عرصه ده دلتنگ اولالار

«زعفرا» بو ایشه واجبدی اولا همّتیمیز