در آستانه سفر به شهرستان فرهنگ پرور میانه

به گزارش پایگاه خبری مهرصبا مرجع اخبار شهرستان میانه، علی شهودی (١٣۵٣ ه. ش) از شاعران معاصر ایرانی و اهل شهرستان بستان‌آباد شعری در وصف شهرستان میانه سروده است.

حسنونده ملاحت گوزی حیراندی میانه
مبهوتون اولان روضه رضواندی میانه

قافلانتی داغیندان باخا هر کیم سنه سویلر
جنات نهان سنده نمایاندی میانه

سن مهد وفا و ادب و عشق و صفا سن
سنده بوی آتان مفخر دوراندی میانه

ائیلر سنی هرگون باش اوجا ، اهل و عیالین
غیرتلی نجابتلی قیزاوغلاندی میانه

قیخ دسته گلی دست خزان ائیلدی پرپر
زینب خانیما هاممیسی قرباندی میانه

سن سن کوچری ائللری باغریندا وئرن یئر
سندن کوچه هر کیمسه پشیماندی میانه

بئش ایلدن اضافه یئمیشم دوز چوره گوندان
بیر عمر منه وئردیگین احساندی میانه

از بس کی گئنشلیگدی طرواتلی ماحالون
ساغ بستان آباد سول سنه زنجاندی میانه

ازبر اولونوب قصه دهقان فداکار
دیللرده گزه ن سئحرلی دستاندی میانه

قیز قلعه سی داشدان تیکیلن مسجد و محراب
کروان سارالار یوردودی سرواندی میانه

اکسن نه چیخار توپراغینین واردی چیخاری
چون قطب کشاورزی استاندی میانه

واردور نه سولی آلمالارون باغچا باغوندا
نعمت سن اوچون، شُکر ،فراواندی میانه