true
به گزارش پایگاه خبری مهرصبا مرجع اخبار شهرستان میانه، سید بشیر حسینی میانجی غزلی به مناسبت فرا رسیدن سالروز پیوند آسمانی حضرت امیرالمومنین، علی (ع) و حضرت زهرا (س) سروده است.
او قدَر گؤزلدی گؤزل آدون داد اولور دوداقلارا یاعلی
گول آچور قیزیل گول اولور بزک یاز اولاندا باغلارا یاعلی
نه قدَر کی شمع ازل یانور هامی تانرینی سنیلن تانور
یئری واردی تابلو اولا بو سؤز وورولا اتاقلارا یاعلی
او ولیّ حیِّ جلیلسن، بوتون انبیایه دلیلسن
نفَسون باهاردا یاراشدیریر چیچگی بوداقلارا یاعلی
اوجا قدّیوی گرَک اوخشادام اوجا سَروه گلشن عشقیده
آلا گؤزلریوی مثَل وورام دورولان بولاغلارا یاعلی
شوکور اولسون آللّها گون به گون چوخالور جهانیده شیعهلر
نِیه کی فضیلتیوین سسی یئتیشور قولاقلارا یاعلی
اؤرگیمده آدیوی بازموشام اولا تا مدالی قوجاقیمین
نُجبایه آند اولا کی آدون یاراشور قوجاقلارا یاعلی
سنی یالنیز ایستهدی فاطمه اولاسان یاشاییشینا شریک
اوخویوبدی عقدوزی جبرئیل یازیلوب وراقلارا یاعلی
سیز عماوغلو – عمقیزینین طویو دوتولوب سماده دؤنه دؤنه
گرَک اوخشادام گؤزل عشقوزی ابَدی شافاقلارا یاعلی
حرکتده آلله الینده دی، برکتده آلله الینده دی
بونا قائلم برکت وئرر آز اولان صداقلارا یاعلی
لقبون گؤزل ادبون گؤزل، شرفون گؤزل نجفون گؤزل
اودی کی حضوریوه گلماقا نه نیاز ایاقلارا یاعلی
نجفین آدین ائشیدن زمان، حرمه اوچور اؤرهییم قوشی
ئوپورم ضریحی صورا چیخوب باخورام رواقلارا یاعلی
قیزیل ایوانا باخان عشق ائدر، نجفین دُرین تاخان عشق ائدر
عظَمتلی گنبذیون نورو ساچیلیر اؤزاقلارا یاعلی
بو نه سرّدور بو نه رازدور، حرمونده جنّتین عطری وار
حسن و حسین یادیما دوشور باخوبن چیراغلارا یاعلی
نه گؤزل غزلدی بشیریدن سوزون عشقوزه یازوب عشقیلن
اودی کی بو شعری بو بزمیده اوخودوم قوناقلارا یاعلی
true
true
false
true
