true
به گزارش پایگاه خبری مهرصبا مرجع اخبار شهرستان میانه، در پی درگذشت استاد محمود فرشچیان سید بشیر حسینی میانجی شعری به اثر عصر عاشورای استاد فرشچیان سرود.
دستماز آلدی صورا آه او مسلمان چکدی
گوتوروبدور قلمی غملی بیابان چکدی
چؤلو پوزوقون، گونو ایستی، یئلی قاره، یئری قان
اوتلاری ساری، قیزیل گوللری ویلان چکدی
الی انگینده فیکیرله شدی بیر آز، موم الده
اوز خیالینده چولو سینه سی سوزان چکدی
چول نه چول قوپ قورو تورپاغی قومی اوددا یانیر
نینوا قویدی آدین نی لری نالان چکدی
باتیروبدور بویاقا تُوه قلمی دقّتیله
قیزلارین ساچلارینی توزلو، پریشان چکدی
بیر طرفده قورو خرما آغاجین گوردو سوسوز
بوکولوب قدّی غمیله اونو چوگان چکدی
بیر نئچه خیمه نی آهیله ملالیه دولو، غمله دولو
ائشیگینده گوزی آغلار نئچه نسوان چکدی
بیر دایاقسیز ییخیلان خیمه چکوب یوخ ییه سی
علقمه اوسته علمداری لب عطشان چکدی
آغ بیر آتی کی نجابتده اونون یوخدی تایی
گوزلرین یاشلی، یالین قانیله غلطان چکدی
یَهَری یوخ، قیچی باشی بدنی یاره لنوب
اوخ دگوب، یاره لریندن سوزولور قان چکدی
بیر چوخور یئرده قالیب صاحبی، سبحان الله
تا چاتوب خیمه لره شیحه او حیوان چکدی
خیمه لردن توکولوب دیشره خاتینلار بیر بیر
واحسینا ائشیدوب اونلاری حیران چکدی
بیرینون اللرینی بوینونا سالدی او آتین
قره معجر باجینی گوزلری گریان چکدی
ایکی اوچ قیز دوشَنوبدور او آتین قیچلارینا
گوزیاشیلا قانی قاتدی چولی عمّان چکدی
*
هاردا سالدون او سوسوز شاهی؟ سو وئردیله یه یوخ؟
سوسوزوندان دیء نَلَر شاه شهیدان چکدی
ذوالجناح ای بویانان قانینه گل نطقه دانیش
سنی کیم اوخ قلمیله بئله الوان چکدی؟
*
ائله بیل کرب و بلاده واریمیش «فرشچیان»
ظهر عاشوری ائدوب شوریله عنوان چکدی
قلمه جوهر ائدوب گوزدن آخان قان یاشینی
نظمه اُول تابلووی، شاعر ائدوب افغان چکدی
یارالی یاری گئجه یاری سالوب یاده «بشیر»
اودی کی کؤنلونو بیر کلبه ی احزان چکدی
true
true
false
true
